ஆந்திராவில் கடந்த 24 மணி நேரத்தில் மட்டும் 7,822 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதனால், மொத்த பாதிப்பு எண்ணிக்கை 1,66,586 ஆக அதிகரித்துள்ளது. மேலும் 63 பேர் கொரோனா பாதிப்பால் உயிரிழந்துள்ளனர்.

வாழப்பாடி அருகே பெத்தநாயக்கன்பாளையம் ஒன்றியத்திற்கு உட்பட்ட ஆரியபாளையம் களரம்பட்டி கிராமத்தை சேர்ந்தவர், விவசாயி முத்துசாமி. இவர் 13 வயது சிறுவனாக இருக்கும் போது முருகக்கடவுள் கனவில் காட்சியளித்து சொன்னதால், களரம்பட்டி கிராமத்தில் மலைக்குன்று அடிவாரத்திலுள்ள தனது சொந்த நிலத்தின் ஒரு பகுதியில் முருகனுக்கு கோவில் கட்டி பூஜை நடத்தி வருகிறார். 

பா.ஜ.க-வின் மூத்த தலைவர் உமா பாரதி, ``அமித் ஷா மற்றும் பிற பா.ஜ.க தலைவர்களுக்கு கொரோனா வைரஸ் தொற்று உறுதியாகியுள்ளது என்பதை அறிந்தேன். இந்த நிலையில், அயோத்தி நிகழ்ச்சியில் கலந்துகொள்ளப் போகும் நபர்கள் குறித்து கவலைப்படுகிறேன். குறிப்பாக, பிரதமர் மோடியை நினைத்து கவலைப்படுகிறேன்” என்று தெரிவித்துள்ளார்.  

ட்விட்டரில் #TerrorismFreeKashmir என்ற ஹேஷ்டேக்கின் கீழ் இந்திய ராணுவம், ``162 பட்டாலியன் பிரிவைச் சேர்ந்த ரைஃபிள்மேன் சாகிர் மன்சூர் நேற்று மாலை 5 மணி முதல் காணவில்லை. குல்கம் பகுதியில் அவருடைய கார் எரிந்த நிலையில் கண்டுபிடிக்கப்பட்டுள்ளது. பயங்கரவாதிகளால் அவர் கடத்தப்பட்டிருக்கலாம் என சந்தேகம் எழுந்துள்ளது. அவரை தேடி வருகிறோம்” என்று பதிவிட்டுள்ளனர்.

கமல்ஹாசன் தனது ட்விட்டர் பக்கத்தில், ``மும்மொழிக் கொள்கைக்கு முதல்வரின் எதிர்ப்பு வரவேற்கத்தக்கது. அதே நேரம் National Assessment Centre, PARAKH, National Testing Agency, National Curricular Framework போன்ற அமைப்புகள் கல்வியில் மாநிலங்களின் உரிமைகளை பறிப்பதை எதிர்ப்பதும் அவசியம்” என்று தெரிவித்துள்ளார். 

சென்னையில் மட்டும் இன்று 1,021 பேருக்கு பாதிப்பு உறுதிப்படுத்தப்பட்டுள்ளது. சென்னையில் கொரோனா நோய்த்தொற்றால் பாதிக்கப்பட்டவர்களின் எண்ணிக்கை 1,02,985 ஆக அதிகரித்துள்ளது.

தமிழகத்தில் இன்று மட்டும் 5,609 பேருக்கு கொரோனா தொற்று உறுதிசெய்யப்பட்டுள்ளதாக சுகாதாரத்துறை தெரிவித்துள்ளது. இதையடுத்து தமிழகத்தில் கொரோனா நோய்த் தொற்றால் பாதிக்கப்பட்டவர்களின் எண்ணிக்கை 2,63,222-ஆக உயர்ந்துள்ளது. தமிழகத்தில் கொரோனா நோய்த் தொற்றால் இறந்தவர்களின் எண்ணிக்கை 109 ஆக அதிகரித்த நிலையில், மொத்த எண்ணிக்கை 4,241 ஆக அதிகரித்துள்ளது.

ஓமனில் கொரோனா தொற்று அதிகரிக்க தொடங்கியவுடன் தனியார் நிறுவனங்கள் ஏற்பாடு செய்த 198 சிறப்பு விமானங்கள் மூலம் 35 ஆயிரம் இந்தியர்கள் நாடு திரும்பினர் என இந்திய தூதரகம் வெளியிட்டுள்ள அறிக்கையில் தெரிவிக்கப்பட்டுள்ளது. மேலும் இந்திய அரசின் வந்தே பாரத் திட்டத்தின் கீழ் 97 விமானங்கள் மூலம் 17 ஆயிரம் இந்தியர்கள் ஓமனில் இருந்து நாடு திரும்பியுள்ளார்கள். 

பொதுமுடக்க காலத்தில் மாசுபாடுகளின் அளவு குறைவது, கார்பன் வாயு வெளியேற்றத்தின் அளவு குறைந்துள்ளது என பல நன்மை தரும் விஷயங்களும் நடந்துள்ளன. இந்நிலையில் சமீபத்திய ஆய்வில், தென்னாப்பிரிக்காவில் கொரோனா பொதுமுடக்க காலத்தில் காண்டாமிருகங்கள் வேட்டையாடுதல் 53% குறைந்திருப்பதாக கண்டறியப்பட்டுள்ளது.

மேற்கு வங்கத்தில் உள்ள கோருமாரா தேசிய பூங்கா அருகிலுள்ள ராம்சாய் பகுதியில் விலங்கு பிரியர்கள் வளர்ப்பு யானைகளான 'பூல்மதி' மற்றும் 'ஷிலாபதி' ஆகியவற்றுக்கு ரக்‌ஷா பந்தனை முன்னிட்டு ராக்கி கட்டி கொண்டாடியுள்ளனர். 

அடையாறு துவங்கும் இடத்தில் இருந்து கடலில் சேரும் இடம் வரையில் இருபுறமும் சுவர் அமைக்கும் பணி ஓராண்டுக்கு முன்பு தொடங்கப்பட்டது. ஊரடங்கு காரணமாக இப்பணி நடைபெறாத நிலையில் தற்போது முடிச்சூர் கிரீன்வேஸில் இருந்து திருநீர்மலை வரையிலான பகுதியில் வேலைகள் ஆரம்பிக்கப்பட்டு சுவர் மற்றும் அதில் கிரில் அமைக்கும் பணி நடைபெற்று வருகிறது. 

சசி தரூர், ``உள்துறை அமைச்சர் அமித் ஷா உடல்நிலை சரியில்லாத போது எய்ம்ஸ் மருத்துவமனைக்கு செல்லாமல் அண்டை மாநிலத்தில் உள்ள தனியார் மருத்துவமனைக்கு சென்றது வியப்பாக உள்ளது. பொது நிறுவனங்களின் மீது மக்களுக்கு நம்பிக்கை வரவேண்டும் என்றால் உயர் பதவியில் இருப்பவர்களின் ஆதரவு தேவை” என கூறியுள்ளார்.

கவிஞர் வைரமுத்து, ``இருமொழிக் கொள்கையில் உறுதிகாட்டியிருக்கும் தமிழ்நாட்டு முதலமைச்சர் பழனிச்சாமியைப் பாராட்டுகிறேன்; தமிழ் உணர்வாளர்கள் சார்பில் நன்றி தெரிவிக்கிறேன். கோரிக்கை வைக்க உரிமையிருந்த எனக்கு நன்றி சொல்லும் கடமையுமிருக்கிறது” என்று கூறியுள்ளார்.

ஃபேஸ்புக் நிறுவனத்துக்குச் சொந்தமான வாட்ஸ்அப் செயலியை உலகம் முழுவதும் இருக்கும் பெரும்பாலான மக்கள் பயன்படுத்துகிறார்கள். இதனால், அவ்வப்போது பயனர்களின் வசதிகளுக்காக புதிய அம்சங்களை கொண்டுவந்துகொண்டே இருக்கிறது வாட்ஸ்அப். அதிலும் குறிப்பாக பயனாளர்கள் விரும்பும் எமோஜி முகங்களைத் தொடர்ந்து அதிகரித்துக்கொண்டே வருகிறது. அந்த வகையில் தற்போது புதிதாக 138 எமோஜிகள் அறிமுகம் செய்யப்பட்டுள்ளன. 

ப.சிதம்பரம், ``கார்த்தி சிதம்பரம் MP கொரோனா தொற்று உறுதியான நிலையில் சென்னையில் தன்னைத் தனிமைப்படுத்திக் கொண்டுள்ளார். நலமாக இருக்கிறார். நான் சிவகங்கைத் தொகுதியில் மானகிரி இல்லத்தில் நலமாக இருக்கிறேன்” என்று தெரிவித்துள்ளார்.

மைக்ரோசாப்ட் நிறுவனம், ``அமெரிக்கா, கனடா, ஆஸ்திரேலியா மற்றும் நியூஸிலாந்து நாடுகளில் உள்ள டிக் டாக் உரிமத்தை மைக்ரோசாப்ட் வாங்க பேச்சுவார்த்தைகள் நடைபெற்று வருகின்றன” என்று கூறியுள்ளது. இந்த சூழலில் அமெரிக்க அதிபர் ட்ரம்பும் மைக்ரோசாப்ட் தலைமை நிர்வாக அதிகாரி சத்யா நாதெல்லாவும் சந்தித்து பேசியது விவாதப் பொருளாகவும் ஆகியுள்ளது.

இந்திய கம்யூனிஸ்டு கட்சியைச் சேர்ந்த நாகப்பட்டினம் தொகுதி நாடாளுமன்ற உறுப்பினர் எம். செல்வராஜ், கொரோனா தொற்று காரணமாக தஞ்சாவூர் மருத்துவக்கல்லூரி மருத்துவமனையில் அனுமதிக்கப்பட்டுள்ளார்.

'காவிரி பாயும் தஞ்சையில் ஆண்டுதோறும் ஆடிப்பெருக்கு விழா களைகட்டுவது வழக்கம். ஆனால், இந்த ஆண்டு கொரோனா ஊரடங்கால் மாவட்டத்தின் பெரும்பாலான பகுதிகளில் களையிழந்து காணப்பட்டது. ஆனால், ஒரு சில பகுதிகளில் கொரோனா ஊரடங்குக்கான அறிகுறிகளே இல்லாத அளவுக்கு ஆடிப்பெருக்கு கொண்டாட்டம் களைகட்டியது. ‘ பல ஆண்டு பழக்கத்தை கொரோனாவுக்காக விட முடியுமா என அப்பகுதி மக்கள் கேள்வி எழுப்பியுள்ளனர்.

'மன்னார்குடி அருகே உள்ள கிராமம் ஒன்றில் பிரதம மந்திரியின் வீடுகட்டும் திட்டத்தில் ரூ.3 கோடி வரை மோசடி செய்யப்பட்டிருப்பதாக புகார் வந்ததைத் தொடர்ந்து விசாரணை நடத்தப்பட்டது. இதில், மன்னார்குடி ஊராட்சி ஒன்றிய அலுலகத்தில் பணிபுரிந்த 4 பேர் தற்காலிக பணி நீக்கம் செய்யப்பட்டுள்ளது பரபரப்பை ஏற்படுத்தியுள்ளது.

 

சுஷாந்த் விவகாரம் தொடர்பாக விசாரணை நடத்த பாட்னாவை சேர்ந்த ஐ.பி.எஸ் அதிகாரி வினய் திவாரி நேற்று மும்பைக்கு வந்துள்ளார். அப்போது மும்பை மாநகராட்சி அதிகாரிகள் அவரை கட்டாயத் தனிமைப்படுத்தலில் வைத்துள்ளனர். அவரின் கோரிக்கை இருந்தும் ஐ.பி.எஸ் மெஸ்ஸில் அவருக்கு தங்க இடம் வழங்கப்படவில்லை என தெரிவிக்கப்பட்டுள்ளது. மருத்துவ விதிகளின் படியே அவர் தனிமைப்படுத்தப்பட்டுள்ளதாக மும்பை மாநகராட்சி விளக்கமளித்துள்ளது.

‘புதிய தேசிய கல்வி கொள்கை பெயரால் வரும் மும்மொழித்திட்டத்தை எதிர்த்துள்ள தமிழக அரசுக்கு நன்றி. மொழிக்கொள்கை மட்டுமல்ல, கல்விக் கொள்கையே பல தவறுகளுடன் கல்வி உரிமையைப் பறிப்பது என திமுக கூட்டணித் தலைவர்கள் கடிதம் எழுதியுள்ளோம். அதன் அடிப்படையிலும் முதல்வர் எதிர்ப்பை பதிவு செய்ய வேண்டும்’ என தி.மு.க தலைவர்  ஸ்டாலின் ட்விட்டரில் குறிப்பிட்டுள்ளார். 

சிவகங்கை எம்.பி கார்த்தி சிதம்பரத்துக்கு கொரோனா உறுதி செய்யப்பட்டுள்ளதாக ட்விட்டரில் குறிப்பிட்டுள்ளார். தனக்கு லேசான வைரஸ் அறிகுறிகள் இருப்பதாகவும் மருத்துவ ஆலோசனைப் படி வீட்டில் தனிமைப்படுத்திக்கொண்டுள்ளதாகவும் தெரிவித்துள்ளார். தன்னுடன் தொடர்பிலிருந்த அனைவரும் மருத்துவ வழிமுறைகளைப் பின்பற்றுமாறும் கேட்டுக்கொண்டுள்ளார்.

'புதுக்கோட்டை அருகே ஆலங்குடியைச் சேர்ந்த 20 வயது இளைஞர் ஒருவருக்கு கொரோனா தொற்று உறுதி செய்யப்பட்டு மருத்துவமனையில் அனுமதிக்கப்பட்டுள்ளார். இதற்கிடையே அவரது தந்தை மாரடைப்பால் உயிரிழந்துள்ளார். பாதுகாப்புக் கவச உடைகளை அணிந்துகொண்ட அந்த இளைஞர், உறவினர்கள் யாருடனும் நெருங்காமல் தந்தையின் இறுதிச்சடங்கைச் செய்துவிட்டுப் பாதுகாப்புடன் மீண்டும் மருத்துவமனைக்குச் சென்றுள்ளார்.

தமிழக ஆளுங்கட்சியின் நம்பர் டூ பிரமுகருடைய உறவினர்கள் சிலர் ஊட்டி, குன்னூர் இடங்களில் நிலத்தை வாங்கி சொகுசு பங்களாக்களை கட்டிவருவதாக கூறப்படுகிறது. சில கட்டுமான தளர்வுகளுக்காக கலெக்டரிடம் முட்டி மோதியபோது, அது செல்லுபடியாகவில்லையாம். கடுப்பான உறவுகள், பல இடங்களிலும் பேசி கட்டுமான விதிமுறைகளையே மாற்றிவிட்டனர்.  புதிய விதிமுறையில் கலெக்டரின் அதிகாரம் குறைக்கப்பட்டு, அடுத்த நிலையில் இருப்பவர்களுக்கு அதிகாரம் வழங்கப்பட்டுள்ளது.

'கரூர் மாவட்டத்தில் மிகவும் பின்தங்கிய பகுதியில் உள்ள ஓர் அரசு மேல்நிலைப் பள்ளியில், ஆசிரியர்கள் பற்றாக்குறை இருந்தும், இதர ஆசிரியர்களின் கடின உழைப்பால், சமீபத்தில் வெளிவந்த 11-ம் வகுப்பு தேர்வு முடிவில் 100 சதவிகிதம் தேர்ச்சி விகிதம் காட்டி, அந்தப் பகுதி மக்களை நெகிழவைத்திருக்கிறார்கள். ஆசிரியர்கள் பற்றாக்குறை இருந்தும், நாங்க கடுமையா உழைச்சு, இத்தகைய வெற்றியைப் பெற்றிருக்கிறோம்‘ என ஆசிரியர்கள் தெரிவித்துள்ளனர்.

TamilFlashNews.com
Open App